Achégate á UDC
Destinatarios
O estudantado de bacharelato e de ciclos formativos de grao superior.
Obxectivos
Coas actividades que se detallan a continuación pretendemos que o futuro estudante universitario coñeza, de primeira man, os títulos de grao que se imparten na Universidade da Coruña.
Xornada co persoal dos Departamentos de Orientación de Bacharelato e Ciclos Formativos de Grao Superior
No marco do Programa de Difusión da Oferta Académica dos Graos que se imparten na Universidade da Coruña (UDC) #EfectoUDC, comprácenos invitalo/a a participar na Xornada co persoal dos Departamentos de Orientación, que terá lugar o xoves 12 de febreiro de 2026, na Facultade de Dereito.
Xornada de Portas Abertas 2026
Descobre o teu futuro nas nosas Xornadas de Portas Abertas!
Vén a coñecer a nosa universidade os días 12 e 13 de marzo de 2026 en horario de tarde.
Explora as nosas instalacións, coñece en detalle a nosa oferta académica e sumérxete na vida universitaria a través de encontros co profesorado e estudantado, que te guiarán en visitas e actividades deseñadas para que vivas a experiencia de primeira man.
Recibirás un agasallo especial: unha bolsa exclusiva da UDC. Esperámoste!
Próximamente abrirase o periodo de inscrición.
Charlas de divulgación científica
A UDC ten unha ampla oferta de charlas/obradoiros, en liña e presenciais, de divulgación científica coa que, profesorado e investigadores, achegarán ao voso alumnado, de xeito ameno e diferente, a ciencia e a investigación que se desenvolve na nosa universidade.
Programa "Entra no Futuro"- Embaixada UDC
Neste programa o profesorado da UDC visitará o seu centro e impartirá unha charla presencial sobre a Universidade, as titulacións de grao, as bolsas e a vida universitaria.
Olimpíada Informática Galega 2026 (OIG 2026)
O venres 6 de febreiro de 2026, en horario de tarde e de xeito presencial, a Facultade de Informática da UDC acollerá a Olimpíada Informática Galega (OIG 2026). Nesta olimpíada pode participar estudantado de ESO, Bacharelato ou Ciclos Formativos de Grao Medio que estean a cursar nun centro educativo da Comunidade de Galicia.
Bases Olimpíadas de Informática 2026
Premios: Os dous primeiros postos na clasificación da OIG 2026 accederá de xeito directo á fase final da Olimpíada Informática Española (OIE) que terá lugar entre o 10 e o 12 de abril de 2026 na Escola de Enxeñaría Informática de Valladolid. Ademais, haberá máis premios para as persoas participantes.
VI Olimpíada de Enxeñaría na Edificación - Arquitectura Técnica
Este concurso está destinado ao estudantado da ESO, Bacharelato e de Ciclos Formativos de grao medio e superior.
A Olimpíada desenvólvese en dúas etapas e por niveis académicos, a primeira é a nivel rexional, os gañadores rexionais de cada nivel académico, pasarán á final nacional. A Escola Universitaria de Arquitectura Técnica da Coruña realizará a selección a nivel galego, para cada un dos niveis académicos, e os gañadores representarán á Comunidade Autónoma de Galicia na final nacional.
Neste documento atópase toda a información sobre o concurso:
Bases da convocatoria da VI Olimpíada
Fase I: Inscrición. Ata o 31 de xaneiro de 2026
Formulario de Inscrición: https://forms.office.com/e/Mhe6iZ96bf
Fase II: Realización do Proxecto. Do 1 de febreiro ao 10 de abril
A data límite de entrega do Proxecto é o 10 de abril de 2026 as 15:00h (hora peninsular).
"Vídeos pola Igualdade"
I Premio da Cátedra ALDABA-WIB ao mellor vídeo en materia de promoción da participación da muller no desenvolvemento das TIC
O obxectivo principal destes premios é espertar o interese da poboación feminina polo ámbito tecnolóxico e apostar por un futuro tecnolóxico máis igualitario a través de pezas breves para redes sociais que derruben estereotipos.
A convocatoria pódese consultar neste enlace.
- Temática: vídeos curtos sobre a muller nas TIC, estereotipos de xénero ou plans de futuro das mozas no sector.
- Dirixido a: estudantado de 1º ou 2º curso da ESO de calquera centro educativo de Galicia.
- Prazo de presentación: ata o25 de marzo de 2026 ás 23:59 horas.
- Dotación do premio: 1.000 € destinados á compra de libros ou material informático para o centro gañador.
- Entrega de premios: o 23 de abril de 2026, coincidindo co Día Internacional das Nenas nas TIC, no centro gañador.
STEAM 2025-2026
- Rexistrádevos na intranet como mentoras/mentores ou centro educativo: https://intranet.inspirasteam.net/
- Activade a Inscripción na edición 2025-26.
Visita os Centros de Investigación da UDC
Os Centros de Investigación, de referencia nacional e internacional, abren as súas portas para que o voso alumnado poidan coñecer, dende dentro, que investigación se fai na UDC.
Visita os Institutos Universitarios da UDC
Os Institutos Universitarios da UDC abren as súas portas para que o voso alumnado poida coñecer as actividades que desenvolven.
Recursos para Orientadores
Nesta sección resaltarémoslle recursos que a UDC pon ao seu dispor e á dos seus alumnos e alumnas, para axudarlles tanto no seu inicio na Universidade como durante todo o resto da súa estadía.
O STEMbach ou Bacharelato de excelencia en Ciencias e Tecnoloxía, pensado tanto para a modalidade de Humanidades como para a de Ciencias e creado ao abeiro da Estratexia galega para a educación dixital, promove a vocación do alumnado cara a investigación científica e tecnolóxica e permite unha conexión directa co ensino universitario.
Calquera outra dúbida será atendida a través do correo de contacto da coordinación STEMbach na UDC: stembach@udc.gal
Ofrece regularmente cursos de alemán, francés, inglés, italiano, portugués e español para estranxeiros. Os cursos de linguas estraxeiras poden ser cuadrimestrais ou intensivos (verán), e a súa duración establécese en función da súa dificultade e nivel do idioma.
Promove a formación dentro da UDC, así como atende ao desenvolvemento de iniciativas que promovan a innovación dentro do sistema educativo.