Bandeiras
A bandeira da Universidade
A Universidade da Coruña ten unha bandeira institucional co seu escudo e cores oficiais.
Esta bandeira deberá estar presente en todos os actos académicos solemnes. Cando a bandeira da Universidade comparta espazo con outras bandeiras oficiais, deberá colocarse respectando a orde correcta, tendo en conta o número total de bandeiras e a situación do lugar.
A bandeira da Universidade poderá empregarse xunto coa bandeira de España, e a da Comunidade Autónoma de Galicia, consonte a seguinte precedencia institucional (todas as referencias á colocación das bandeiras enténdense desde a perspectiva do público asistente).
1. A bandeira de España ocupará sempre un lugar destacado e de honra.
- Se é un número par, colocarase no lugar de maior preeminencia no centro. O resto de bandeiras se intercalarán de dereita a esquerda de esta, en honor a súa importancia.
- Se hai un número impar de bandeiras, colocarase no centro. O resto de bandeiras se intercalarán de esquerda a dereita de esta, segundo a súa representación.
2. A bandeira da Comunidade Autónoma de Galicia
- Se hai un número impar de bandeiras, colocarase á esquerda da de España.
- Se hai un número par de bandeiras, colocarase á dereita da de España
3. A bandeira da UDC, sempre que sexa posible, situarase fóra desta orde oficial, na mesma liña, separada das bandeiras oficiais, á dereita do conxunto.
En caso de colocar bandeiras na entrada dos edificios, a orde será a seguinte (sempre que estean presentes todas as bandeiras):
- Bandeira de España (a máis próxima á porta)
- Bandeira de Galicia
- Bandeira da Universidade da Coruña (UDC)
- Calquera outra bandeira que se desexe engadir