A Universidade da Coruña comprométese a ofrecer un contorno académico e laboral seguro e saudable para toda a comunidade universitaria. 

A través da política de Prevención de Riscos, o equipo de goberno reafírmase na responsabilidade de proporcionar os recursos necesarios para acadar con éxito este cometido, para o que conta co traballo do Comité de Seguridade e Saúde da UDC e do Servizo de Prevención de Riscos Laborais, como instrumentos que canalicen as actuacións da Universidade nesta materia. 

A colaboración de toda a comunidade universitaria é esencial para lograr un ambiente seguro e contribuír á mellora continua das nosas condicións de traballo e estudo.