Programa de Formación Xeral "Explorando o Coñecemento"
INTRODUCIÓN
Este programa formativo, de nova implantación no curso académico 2025/2026, está dirixido ao alumnado en lista de agarda para o primeiro curso do Grado Sénior na sede da Coruña, así como as persoas egresadas de dito programa. Cunha duración de un curso académico, ofrece una primeira toma de contacto coa Universidade Sénior para os que acceden por primeira vez e unha opción de continuidade para os que xa finalizaron o grado.
Trátase dun programa de educación continua orientado as persoas maiores de 50 anos, en situación laboral non activa, interesadas en ampliar os seus coñecementos en distintas áreas do saber.
OBXECTIVOS
- Ofrecer aos participantes a oportunidade de adquirir novos coñecementos e habilidades nas áreas de coñecemento incluidas.
- Fomentar o interese pola aprendizaxe continua e o desenvolvemento persoal.
- Promover a integración interdisciplinaria e po pensamento crítico.
- Ofrecer un espazo de encontro e enriquecemento persoal para persoas maiores
CONTIDOS
O programa estrutúrase en tres módulos, cada un centrado nun área temática específica:
Módulo 1: Humanidades e Ciencias Sociais
“Comprender a arquitectura: elementos, historia e significado". Profesor Antonio Río Vázquez
Este módulo ofrece un panorama xeral da historia da arquitectura occidental, desde as orixes ata o século XX, explicando as características fundamentais de cada época e poñendo en relación as obras paradigmáticas a nivel internacional cos exemplos máis próximos. Empregarase un enfoque que permita entender os conceptos elementais sen unha formación específica.
Obxectivos:
- Coñecer as aportacións fundamentais de cada época á historia da arquitectura.
- Desenvolver sensibilidade cara a protección e conservación do patrimonio construido.
- Empregar a historia como unha ferramenta para comprender a arquitectura contemporánea
Módulo 2: Ciencia e Tecnoloxía
"Ciencia para todos". Profesor Juan José Galán Díaz
Este módulo ofrece unha comprensión accesible dos contidos científicos e tecnolóxicos que adoitan aparecer nos medios de comunicación. Está deseñado para que todos os alumnos, sen necesidade dunha formación científica previa, poidan entender estes temas de maneira sinxela.
Obxectivos:
- Presentar e debater propostas científicas de interese social, tales como saúde e medio ambiente.
- Realizar unha análise crítica sobre cuestións científicas actuais, fomentando a procura de respostas propias.
- Valorar a contribución da ciencia e a tecnoloxía na nosa vida cotiá.
Módulo 3: Ciencias da Saúde
"Deseñados para o movemento". Profesora Esther Fernández Fernández
O ser humano está xeneticamente deseñado para o movemento, base da supervivencia animal. Ao longo de millóns de anos, evolucionamos para adaptarnos ao entorno, pero os avances tecnolóxicos reduciron a nosa necesidade de movemento, alimentación e relacións, o que provocou moitas enfermidades actuais.
Obxectivos:
- Comprender a evolución humana e a nosa necesidade de actividade física.
- Reconecer que a actividade física é esencial para a saúde e o benestar.
- Entender como todos os nosos sistemas corporais dependen do movemento.
- Identificar enfermidades actuais relacionadas coa inactividade.
ESTRUTURA
Cada módulo constará de 10 horas lectivas, distribuídas en sesións semanais de 50 minutos cada unha. As sesións levaranse a cabo os xoves en horario de mañá. As clases combinarán presentacións maxistrais, actividades prácticas e discusións dirixidas por expertos en cada campo.
CRONOGRAMA
- Módulo 1: Humanidades e Ciencias Sociais
- Datas: Do 9 de outubro ao 11 de decembro de 2025
- Horario: xoves, de 10:30 a 11:20
- Módulo 2: Ciencia e Tecnoloxía
- Datas: Do 8 de xaneiro ao 12 de marzo de 2026
- Horario: xoves, de 10:30 a 11:20
- Módulo 3: Ciencias da Saúde
- Datas: Do 19 de marzo ao 28 de maio de 2026
- Horario: xoves, de 10:30 a 11:20
Nota: As datas e horarios están suxeitos a cambios e poderían axustarse según as necesidades do programa.
REQUISITOS DE MATRÍCULA
- Figurar na lista de agarda para o 1º curso de Graduado Sénior pola Universidade da Coruña, na sede da Coruña, unha vez finalizado o prazo de matrícula do curso 2025/2026.
- Figurar na lista de agarda para o Programa de Formación Específica "Patrimonio Cultural" na sede da Coruña, unha vez finalizado o prazo de matrícula do curso 2025/2026.
PRAZOS DE MATRÍCULA
- Do 16 ao 20 de xullo: para persoas en lista de agarda para o 1º curso de Graduado Sénior (2025-2026)
- Do 22 ao 24 de xullo: para persoas en lista de agarda para o Programa de Formación Específica (2025-2026)
PREZO DE MATRÍCULA: 72 € (inclúe seguro escolar)
Máis información e asistencia á matriculación na Secretaría da Universidade Sénior na Coruña:
|
Universidade Sénior. A Coruña |
