A Universidade da Coruña e o Banco Santander realizan as seguintes convocatorias de bolsas de formación complementaria:

• Convocatoria de bolsas de colaboración para formación complementaria do estudantado dos centros propios da UDC. Curso 2020-2021
  • O obxecto desta convocatoria é a adxudicación de 99 bolsas de colaboración para formación, que permitan a formación teórica e práctica do estudantado matriculado nun centro propio da Universidade da Coruña, en estudos conducentes á obtención dun título oficial de Grao, mediante a realización de actividades de colaboración en diferentes áreas de interese formativo
• Convocatoria da UDC para bolsas de colaboración para formación complementaria nos departamentos universitarios dos centros propios. Curso 2020-2021
  • A convocatoria ten o fin de favorecer a formación complementaria do estudantado desenvolvendo a súa formación teórica e práctica, do estudantado matriculado nun centro propio da Universidade da Coruña, en estudos conducentes á obtención dun título oficial de Grao, publica a convocatoria de 52 bolsas de formación complementaria nos departamentos da Universidade da Coruña, dúas prazas por departamento.

Resolución provisional das bolsas

• Listaxe provisonal de persoas admitidas e excluídas na convocatoria de bolsas de colaboración en formación complementaria do estudantado nos Centros propios da UDC, curso 2020/2021.
• Listaxe provisional de persoas admitidas e excluídas na convocatoria de bolsas de colaboración para formación complementaria nos departamentos universitarios da UDC, curso 2020/2021.

Resolución definitiva das bolsas 

• Resolución definitiva da convocatoria de bolsas de colaboración en formación complementaria do estudantado nos Centros propios da UDC, curso 2020/2021.
• Resolución definitiva da convocatoria de bolsas de colaboración para formación complementaria nos Departamentos universitarios da UDC, curso 2020/2021.

Coa aceptación da bolsa, a persoa interesada comprométese a cumprir todas as condicións recollidas nesta convocatoria. Deberase efectuar no prazo de 3 días hábiles desde o día seguinte á publicación da resolución da adxudicación da bolsa no Taboleiro Electrónico Oficial (TEO) da UDC.

O prazo comeza ás 00:00 h. do día 21 de outubro de 2020 e remata as 23:59 horas do día 23 de outubro de 2020

A aceptación e presentación da documentación necesaria para formalizala, realizarase telemáticamente desde o formulario que atoparán ao pé desta páxina, mediante a presentación dos documentos asinados, de xeito dixital ou manualmente e escaneados, pola persoa interesada:

1. Impreso de aceptación ou renuncia
2. Documento acreditativo do Número de NUSS (número de usuario da Seguridade Social): 
   • Se  non dispón do Número de Usuario da Seguridade Social (NUSS):
     • pode obtelo telemáticamente dende aquí ou 
     • no caso de non dispoñer de certificado dixital ou clave, solicitalo nesta páxina da S. Social, achegado copia do seu DNI e o impreso TA_1 enchido e asinado
   • Se dispón de NUSS, pero non o recorda ou non ten acreditación, pode consultalo e descargar a acreditación telemáticamente dende aquí
   • Para xestións presenciais nas oficinas da Tesourería Xeral da Seguridade Social, pode dirixirse ás seguintes oficinas:
     A Coruña - TXSS: Ronda de Nelle, 76.  CITA PREVIA: 981 14 59 07
     Ferrol - TXSS: Rúa Mahón, 10. CITA PREVIA: 98136 91 00
   • No caso de que, por mor da COVID-19, non consiga o NUSS no prazo establecido na Resolución, cando menos deberá subir no formulario un xustificante de ter pedido Cita Previa na Seguridade Social (SS) ou resgardo de telo solicitado a través da Sede Electrónica da SS dentro do prazo establecido.
3. Impreso de alta de persoal:
   • No caso de que, por mor da COVID-19, non consiga o NUSS no prazo establecido na Resolución e, no paso anterior, achegara un xustificante ou resgardo de telo solicitado, deberá de subir o arquivo provisionalmente asinado sen o devandito NUSS e nomeándoo como se lle indica no formulario.
4. Ademais, dentro do prazo indicado para a aceptación, as persoas adxudicatarias deberán:
   • Deben solicitar a alta no sistema contable da UDC dunha conta bancaria do Banco Santander (sen non a teñen deben solicitala antes no Banco Santander), onde desexen que se realicen os ingresos pertinentes, a través da Sede Electrónica da Universidade da Coruña (https://sede.udc.gal) seleccionando nos trámites de xestión económica o de “alta/baixa/modificación terceiros”. Poden acceder directamente desde a ligazón: https://sede.udc.gal/services/procedures/ECO_003/start
   • Durante o proceso deberán entregar un documento xustificativo do número de conta para a alta e outro arquivo con copia do seu documento de identificación.
5. Inscribirse na plataforma de bolsas do Banco Santander, segundo corresponda, nas ligazóns:
   • Bolsas de Colaboración de formación complementaria nos centros propios da UDC:

     • https://www.becas-santander.com/es/program/becas-colaboracion-formacion-complementaria-udc

   • Bolsas de Colaboración en departamentos:
     • https://www.becas-santander.com/es/program/becas-colaboracion-departamentos-udc

Se no prazo de 3 días hábiles non se recibise a aceptación da persoa adxudicataria, entenderase que renuncia á bolsa.

Para calquera dúbida poden enviar un correo electrónico a sape@udc.gal poñendo no asunto "bolsas colaboracion UDC-Santander"

FORMULARIO PARA PRESENTAR A ACEPTACIÓN/RENUNCIA E A DOCUMENTACIÓN REQUIRIDA